سری لنکن کرکٹ ٹیم 3 میچز پر مشتمل ٹی ٹوئنٹی سیریز کا آخری میچ کھیلنے پاکستان آئے گی یا نہیں اس کا حتمی اعلان آج کیا جائے گا۔
سری لنکن کرکٹ بورڈ کی ایگزیکٹو کمیٹی کا اجلاس آج ہوگا جس میں لاہور میں طے شدہ شیڈول کے مطابق ٹی ٹوئنٹی سیریز کا تیسرا میچ کھیلنے کے حوالے سے اہم فیصلہ کیا جائے گا۔
اس سے قبل سری لنکن ٹیم کے بعض کھلاڑیوں نے سیریز کا آخری ٹی ٹوئنٹی میچ پاکستان میں کھیلنے پر تحفظات کا اظہار کیا تھا۔
سری لنکن کرکٹ کے صدر تھیلنگا سماتھی پالا کا کہنا ہے کہ ’اصولی طور پر‘ 29 اکتوبر کو ہونے والے ٹی 20 کے بارے میں تاحال معاہدہ قائم ہے تاہم کھلاڑیوں نے سیکیورٹی کی صورتحال پر غور کرنے کی درخواست کی تھی۔
خیال رہے کہ 2009 میں لاہور میں سری لنکن کرکٹ ٹیم کی بس پر حملے کے بعد سے پاکستان بین الاقوامی کرکٹ کی میزبانی سے محروم ہے اور پی سی بی کی جانب سے متحدہ عرب امارات کو اپنے ’ہوم گراونڈ‘ کے طور پر استعمال کیا جارہا ہے۔
0 اپنی رائے دیجئے:
آپ بھی اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔